22
أبريل
اليوم عُلِّق......وطُعِن بحربة وانتو ( أصحاب التقويمات المختلفة ) بتعلقوه وبتصلبوه وبتطعنوه كل يوم - ناديا صعب ترشيحا
يعني لوينتى هذا التشردم والإنشقاقات والتفككات والخربطات؟؟؟
عنا يسوع واحد
فكونوا مرة شعب واحد وقلب واحد وهدف واحد وتقويم واحد،
وإلا ستقوم القيامة على رؤوس الكهنة والمطارنة وغيرهم من أصحاب القرارات الخاطئة والعشوائية والعبثية بانتفاضة شعبية وشرعية ضد" التفكير الأعوج"
بيكفي عاد تصرفات غير منطقية ومسؤولة ليش القيادة الروحية والمسؤولين ما بيقعدوا سوى بيتباحثوا تيطلع" الدخان الابيض" لصالح كافة الشعب اللي بنادي بالوحدة؟؟؟؟
معا" شرقيون وغربيون...
شماليون وجنوبيون
نسجد لآلامك أيها المسيح،
فاعطنا العقل والمنطق والحكمة لإحترام رغبتك في الوحدة لنكون معك في مسيرة الايمان.
آسفة على قول الحقيقة بجرأة وبعرف إنها بتوجع الآخرين، على أمل التغيير الحقيقي لواقع مرير.
